Hoddevik strandcamp

Før du kjem til oss:

Det er berre Telenor sitt mobilnett som har dekning i Hoddevik. 

Daglegvarer: Det er lurt å handle før du kjem til Hoddevik. Vi anbefaler at du gjer dette hos Bunnpris Stadlandet. Dei har ope 09.00 - 20.00 måndag til laurdag. 

Tømming av toalett og gråvatn må gjerast på Leikanger (Stadlandet).

Tømmestasjon finn du på nedsida av fylkesvegen, vis-a-vis Stad drivstoff, sjå kart.

Ladestasjon for elbil finn du også på Leikanger. Vi tilbyr ikkje lading av bil. 

Når du er her: 

Ta kontakt med oss før du køyrer ned på campingplassen. I hovudsesongen er resepsjonen open kl. 09 - 20, elles kan du ta kontakt i bustadhuset eller i campingvogna ved sidan av resepsjonen. 

Brannvern: Det skal vere 4 meter avstand mellom alle telt, campingvogner og anna som nokon skal sove i. Det er ikkje lov til å grille eller brenne bål på campingplassen!

Oppstilling: Plasser det du skal sove i midt på plassen din (der nummerskiltet står). Viss du ikkje søv i bilen, kan denne stå attmed teltet/vogna. Skal nokon sove i bilen og andre i telt e.l., må det bestillast eigen plass til bilen.

Drikkevatn og oppvaskkum finn du på baksida av resepsjonen. Toalettbygget på nedsida av vegen er ope heile døgnet. 

Varm dusj er inkludert for gjester, nøkkel får du i resepsjonen eller bustadhuset/campingvogna. Dusjen er vanlegvis open 09.00 - 21.00. 

Ordensreglar for campingplassen finn du her.